طرق تلوين بيض شم النسيم ولكن بطريقة صحية بدون أي ألوان ضاره

طرق تلوين بيض شم النسيم ولكن بطريقة صحية بدون أي ألوان ضاره
تلوين البيض بالوان طبيعية بطريقة سهلة وبسيطة فى شم النسيم

كل شم نسيم وإنتو طيبين، شم النسيم خلاص قرب أوى ودي فرصه جميلة تجمع أفراد العائلة مع بعضهم، ومن العادات المعروفة والمشهور في يومم شم النسيم تلوين البيض وهو أمر ممتع وخاصه للأطفال، واليوم سنشوف إزاي نلون البيض بس بألوان طبيعية ومش ضارة خالص والجميل إن هيا بسيطة ومش مكلفه خالص.

أكيد كلنا يوم شم النسيم بنحب نفطر ببيض ملون، والنهارده هنشوف مع بعض إزاي ممكن إننا نلوّن البيض بأكتر من لون بطريقة طبيعية مية في المية باستخدام الأعشاب الطبيعية والخضراوات والفواكه...

تلوين البيض في شم النسيم باللون البمبي "جميع درجاته"

نصيف علي البيض وهوا بيتسلق بنجر الأحمر، عصير فراولة مركز، وممكن كمان قشر البصل الأحمر وأخيرا الكركدية.

تلوين البيض في شم النسيم باللون البنفسجي

نضيف علي البيض قشر الباذنجان ،، بالإضافه إلي كمية كبيرة من قشر.

تلوين البيض في شم النسيم باللون الذهبي

نستخدم للون دا قشر التفاح الأصفر مع أوراق البقدونس.

تلوين البيض في شم النسيم باللون الأصفر

نستخدم أوراق البصل  البرتقالي أو قشر برتقال أو يوسفي ،، وممكن أيضا جزر مبشور أو الكمون وأخيرا ممكن كروم "طبعا كل نوع ليه درجة لون".

تلوين البيض في شم النسيم باللون البني

نستخدم القهوة أو الشاي المغلي.

تلوين البيض في شم النسيم باللون الأخضر

نستخدم  أوراق السبانخ والبقدونس.

بعد ما عرفنا إزاي نقدر نحصل علي اللون اللي إحنا عاوزينة نيجي بقي للطريقة

طريقة الحصول علي الألوان لبيض شم النسيم

·         هتلسقي البيض عادي جداً زي ما بنسلقه.

·         أثناء ما البيض بيتسلق هتملي إناء به مية، وتضيفي إليه ملعقة خل صغيرة علشان تثبتِ اللون، بعد كده تضيفي إليها أي إضافات من اللي إحنا قولنا عليها فوق على حسب اللون اللي أنتِ عايزاه، وتسيبي المية بالإضافات دي تغلي كويس أكتر من مرة علشان المية تتلون باللون اللي أنتِ عايزاه بعد كده اطفي البوتاجاز.

·         سيبي المية الملوّنة لغاية ما تبرد، وبعد كده ضيفي إليها البيض المسلوق، وسيبيه فيها لمدة خمس دقائق أو لغاية ما تلاقي إن البيض إتلوّن بلون المية.